हिरवांकुर फाउंडेशन नाशिक च्या संकल्पनेतून साकार वृक्षदत्तक अभियान
फैजपुर प्रतिनिधि सलीम पिंजlरी
आदर्शवत आणि प्रेरणादायी
नाशिक येथील हिरवांकुर फाउंडेशन च्या माध्यमातून न्यायव्यवस्थेला सहभागी करून वृक्षदत्तक अभियानातून समाजातील प्रत्येक घटकाला प्रेरणा मिळणार असून आपल्या वसुंधरेला हरित अच्छादनातून ग्लोबल वॉर्मिंगच्या महाभयंकर आव्हानातून संपूर्ण मानव जातीच्या बचावाचे कार्य स्तुत्य आणि अभिनंदनिय आहे असे गौरवद्गार रावेर तालुक्याचे कुटुंब प्रमुख म्हणजेच दिवाणी न्यायाधीश साहेब क. स्तर व न्यायदंडाधिकारी प्रथम वर्ग, सन्माननीय श्री प्रवीण प्रभूलाल यादव,रावेर यांनी व्यक्त केले.
हिरवांकुर फाउंडेशन, नाशिक च्या *विद्यार्थी दशेतून हरितसंस्कार याद्वारा
*हर घर किसान ह्या संकल्पनेचा यशस्वीपणे शुभारंभ करण्यात आला.
देशातील लोकशाहीच्या चार स्तंभांपैकी पैकी मुख्य आधारस्तंभ असलेल्या न्यायव्यवस्थेला सोबत घेऊन येत्या दिनांक १५ ऑगस्ट पासून *वृक्षदत्तक अभियान साकारण्याचा मानस हिरवांकुर फाउंडेशनचे संस्थापक अध्यक्ष निलयबाबु शाह यांनी व्यक्त केला. हिरवांकुर टीमचे सदस्य धनाजी नाना महाविद्यालयाचे इंग्रजी विषयाचे प्राध्यापक कॅप्टन डॉ राजेंद्र राजपूत, समुपदेशिका व जळगाव हिरवांकुर महिला विभागाच्या प्रमुख सौ सोनाली राजपूत, वृक्ष प्रेमी श्री विजय पाटील, श्री शक्तीसिंह सोहनी, डॉ. राजेंद्र आठवले सोबत रावेर बार असोसिएशन सेक्रेटरी एडव्होकेट श्री के डी पाटील इत्यादीं मान्यवरांनी माननीय न्यायाधीश महोदयांची भेट घेतली. त्यांचे समक्ष ही अनमोल व राज्यव्यापी संकल्पना प्रस्तुत केली.
या अभियानाअंतर्गत माननीय न्यायाधीश महोदय यांच्या शुभहस्ते वृक्षारोपण करून न्यायाधीश महोदयां सोबत न्यायालयातील सर्व विधीज्ञ, सेवकवृंद हे भारतीय प्रजातींच्या वृक्षांचे एक-एक रोप दत्तक घेतील व या बाळरोपाचे संगोपन करतील. संगोपन करणाऱ्या प्रत्येकचे नाव त्या वृक्षाला देण्यात येईल.
यात विशेषत्वे भारतीय परंपरेतील वड, पिंपळ, निंब, करंज, बहावा, रिठा इत्यादी सारख्या आयुर्वेदिक दृष्ट्या उपयुक्त अशा वृक्षांचे रोपण न्यायालयाच्या आवारात केले जातील. ही वृक्षदत्तक संकल्पना येत्या १५ ऑगस्ट या स्वातंत्र्य दिनाच्या औचीत्याने एकाच वेळी सुमारे ४० पेक्षा अधिक तालुक्यांमध्ये साकारण्यात येणार असल्याचे टिम हिरवांकुर तर्फे सांगण्यात आले. यावेळी या अभियानासाठी रावेर तालुक्याचे कुटुंब प्रमुख व रावेर न्यायालयातील मुख्य न्यायाधीश साहेब सन्माननीय श्री प्रवीण प्रभूलाल यादव, दिवाणी न्यायाधीश क. स्तर व न्यायदंडाधिकारी प्र वर्ग, यांच्या सोबत सीनियर क्लर्क श्री दिनकर इंगळे, नाझर साहेब श्री चंदू बिऱ्हाडे, बार असोसिएशनचे अध्यक्ष श्री बी डी निळे, सेक्रेटरी श्री के डी पाटील यांचे मार्गदर्शन व सहकार्य लाभत आहे.
सदर उपक्रम अत्यंत क्रांतिकारी व प्रभावशाली असून समाजातील निसर्गप्रेमीजनांनी या अभियानाला साथ द्यावी असे आवाहन हिरवांकुर फाउंडेशनचे अध्यक्ष निलयबाबू शाह, ग्रीन सिटी फाउंडेशन जळगावचे संस्थापक अध्यक्ष श्री विजय वाणी तसेच सामाजिक वनीकरण जळगावचे डी. एफ. ओ. साहेब श्री संजय पाटील यांनी केले. या अभियानाला यशस्वी करू जिल्ह्यात आदर्श प्रस्तुत करण्यासाठी न्यायालयातील विधीज्ञ, सेवकवृंद अत्यंत उत्साहाने परिश्रम घेत आहेत.
यासोबतच आम्ही रेन वॉटर हार्वेस्टिंग व कंपोस्ट चे युनिट तयार करण्याचा प्रयत्न करू असे न्यायालयातील उपस्थितांनी ग्वाही दिली.
